Sumqayıt şəhəri, H.Z.Tağıyev qəsəbəsi, Kərim Kərimov küçəsində baş verən kommunal qəzanın fəsadları hələ də aradan qaldırılmayıb.
Sumqayit24.az-a müraciət edən sakinin sözlərinə görə, ərazidə su borusu partladıqdan sonra uzun müddət küçəyə su axıb. Yalnız çoxsaylı müraciətlərdən sonra məsul qurumun əməkdaşları hadisə yerinə gələrək ərazidə qazıntı işləri aparıb, su sızmasının qarşısını alıblar.
Lakin problem bununla bitməyib. Qazıntı aparılan hissə artıq 1 aya yaxındır ki, bərpa edilmir. Nəticədə küçədə yaranmış quyu və yararsız yol şəraiti həm piyadaların, həm də sürücülərin hərəkətini xeyli çətinləşdirir.
