“Zəngəzur” restoranında mənşəyi məlum olmayan məhsullar aşkarlanıb. Sumqayıt24 bu haqda 24 fevral tarixində Azərbaycan Qida Təhlükəsizliyi Agentliyinə (AQTA) istinadən xəbər verir.
Agentlik əməkdaşları 17-ci mikrorayonda yerləşən Cahid Ağazadəyə məxsus iaşə obyektində planlı yoxlama keçiriblər. Nəticədə restoranın qida təhlükəsizliyi qeydiyyatına alınmadan fəaliyyət göstərdiyi, gigiyena tələblərinə əməl edilmədiyi, işçi heyətin tibbi müayinədən keçmədiyi, təmizlik vasitələrinin ayrıca saxlanması üçün xüsusi yerlərin təşkil edilmədiyi məlum olub. Bundan əlavə, istifadə müddəti bitmiş, markalanması aparılmayan və mənşəyi məlum olmayan müxtəlif növ qida məhsulları tapılıb.
Faktla bağlı inzibati protokol tərtib edilib, müəssisənin fəaliyyəti məhdudlaşdırılıb.
