Sumqayıtda yetkinlik yaşına çatmayan uşaqlara göstərilən hər cür zorakılıq hallarına qarşı profilaktik tədbir keçirilib. Sumqayıt24 bu haqda bu gün, 6 aprel tarixində DünyaTV xəbər verib.
1 nömrəli məktəbdə keçirilən tədbirdə məişət zorakılığından danışılıb. Qender və uşaqlara qarşı zorakılıq hallarının qarşısını almaq məqsədilə yaradılan monitorinq qrupunun sədri Ülviyyə Müzəffərovanın sözlərinə görə, məişət və ailə zorakılığı tək ailə problemi deyil, bütün cəmiyyət üçün problemdir.
Tədbirdə şəhər polis idarəsinin yetkinlik yaşına çatmayanlarla profilaktiki işin təşkili rəisi Azər Bağırov, şəhər təhsil şöbəsinin nümayəndəsi Gülbah Haqverdiyeva, şəhər İcra Hakimiyyətin nümayəndəsi Mehman Vəliyev, məktəbin direktoru Kəmalə Hüseynova iştirak ediblər. Tədbir iştirakçıları yaşanan bu hal haqda müzakirələr aparıblar.
Sonra şagirdlərə videoçarx nümayiş olunub və onları maraqlandıran suallar cavablandırılıb.
Bu cür tədbirlər şəhər məktəblərində mütəmadi olaraq olaraq keçirilir.
