Sumqayıtda “Şəhərdaxili Hərəkət (Mobillik) Planı”nın hazırlanması ilə bağlı işlərə start verilib.
Sumqayitxeber.com-un məlumatına görə, layihə çərçivəsində Sumqayıt Şəhər İcra Hakimiyyəti və Azərbaycan Texniki Universiteti (AzTU) arasında əməkdaşlıq yaradılıb. Bu, dövlət-universitet-sənaye formatında ilk əməkdaşlıq layihəsi hesab olunur. Elmi əsaslara söykənən metodologiya ilə həyata keçiriləcək işlər çərçivəsində şəhər ərazisində nəqliyyat sisteminin vəziyyəti və nəqliyyat-sosioloji aspektlər öyrəniləcək.
AzTU-nun nümayəndələri tərəfindən 26-30 may tarixlərində şəhər ərazisində sorğu-monitorinq təşkil edilib.
Sözügedən sorğuların nəticələri gələcəkdə Sumqayıt şəhərinin nəqliyyat siyasətinin formalaşdırılmasında və şəhər mobilliyinin artırılmasında əsas rol oynayacaq.
