Sumqayıt Tibb Mərkəzi (STM) 100-dən çox şəhid ailəsi və qazini işlə təmin edib. Bu barədə 18 yanvar tarixində Sumqayıt24 xəbər verir.
Burada ötən il ərzində 2474 şəhid ailəsi, qazi və müharibə iştirakçısına tibbi xidmət göstərilib. Həmçinin 533 nəfər stasionar müalicə almaq üçün tibb müəssisələrinə göndərilib, 198 nəfər isə cərrahi əməliyyat olunub.
Onlardan 103 nəfər qazi və müharibə iştirakçısının icbari tibbi sığorta xətti ilə əməliyyatları təşkil edilib. 309 nəfərin KT və MRT müayinələri aparılıb, 30 nəfər böyrək, 4 nəfər göz, 2 nəfər isə ginekoloji əməliyyat olunub. 21 nəfərdə ürəyin angioqrafiya müayinəsi olub, 120 nəfər Bakı şəhər Tibbi Reabilitasiya Mərkəzinə müalicəyə göndərilib. Bununla yanaşı, 222 nəfərə müxtəlif tibbi xidmət göstərilib.
Qeyd edək ki, 400-dən çox qazi və şəhid ailəsi psixoloji yardım üçün psixoloqların müalicəsinə cəlb olunub.
