Sumqayıtın sahilboyu ərazilərində polis profilaktik tədbirləri davam etdirir.
Sumqayit24.az xəbər verir ki, polis əməkdaşları tərəfindən digər müvafiq dövlət qurumları ilə birgə Xəzər dənizinin sahilboyu ərazilərində ekoloji sabitliyin təmin edilməsi məqsədilə profilaktik tədbirlər davam etdirilir.
Qeyd olunub ki, Sumqayıtın sahilboyu əraziləri də daxil olmaqla, Bakı şəhəri, Xaçmaz və Lənkəran rayonlarında aparılan növbəti tədbirlər zamanı məişət tullantılarının təyin olunmuş yerlərdən kənara atılması və tullantı sularının kənara təyinatsız axıdılması halları aşkar edilib.
Nəticədə Sumqayıt, Xaçmaz və Lənkəranda 30 nəfərin məişət tullantılarını tutumlardan (urnalardan) kənar yerlərə atması, texniki və tullantı sularını kənara təyinatsız axıtması müəyyən edilib.
Həmin şəxslər barəsində polis əməkdaşları tərəfindən inzibati tədbir görülüb.
