Sumqayıtda şair Hacı Ərşad Hacı Bədəllinin anadan olmasının 85 illiyinə həsr olunmuş xatirə gecəsi keçirilib. Bu barədə 28 dekabr tarixində Sumqayıt24 xəbər verir.
Poeziya evində baş tutan tədbirdə şairin doğmaları və yaxınları ilə yanaşı, qələm dosları da iştirak ediblər. Çıxış edənlər Hacı Ərşad Hacı Bədəlli ilə bağlı xatirələrini bölüşüb, şeirlərindən söhbət açıblar. Sonda şairin kitabları oxuculara hədiyyə edilib.
Ərşad Bədəlov 27 dekabr 1937-ci ildə Zəngəzur mahalı Qubadlı rayonunun Dəmirçilər kəndində dünyaya göz açıb. 28 mart 2003-cü ildən Azərbaycan Yazıçılar Birliyinin üzvü olub.
