Sumqayıt sakinlərinin narahatlığına və narazılığına səbəb olan bina ilə bağlı tədbirlər görüləcək.
Xəbər verdiyimiz kimi, 8-ci mikrorayonda yerləşən çoxmərtəbəli binanın təmiri yarımçıq vəziyyətdə saxlanılıb. Şikayətlərə baxmayaraq, vəziyyət 10 ildən çoxdur ki, dəyişməz qalıb.
Sumqayıt Şəhər İcra Hakimiyyətindən məsələ ilə bağlı açıqlama verilib. Bildirilib ki, binadakı vəziyyət yerində araşdırılacaq və təhlükəsizliklə bağlı zəruri tədbirlər görüləcək. Mövcud problem mərhələli şəkildə həllini tapacaq.
