"ABC", "Eko", "Payt" yuyucu tozları istehsal edən müəssisənin rəhbərinə hökm oxunub. Sumqayıt24 bu haqda 10 mart tarixində Qaynarinfo.az-a istinadən xəbər verir.
61 yaşlı Rövşən İsmayılov "Era", "Eko", "Təmiz", "Alfa" yuyucu vasitələri, "Herbal", "Jolie", "Payt", "Spark" nişanlı saç şampunu, "Subrina" nişanlı duş geli, "Lux", "Aysberq", "Lux Era" nişanlı maye sabun və digər məhsulların saxta və yararsız istehsalında təqsirli bilinib. O, həmin məhsulları Sumqayıtda fəaliyyət göstərən marketlərə də satırdı.
Belə ki, 232.750 manat dəyərində keyfiyyətsiz mal satıb, istehlakçıları aldatmaqda ittiham edilən Rövşən İsmayılov özünü təqsirli bilməyib.
Məhkəmənin qərarı ilə iş adamı, qəti olaraq 1 il 6 ay müddətində dövlət, yerli özünüidarəetmə orqanlarında və kommersiya təşkilatlarında rəhbər vəzifə tutma hüququndan məhrum edilib, 8000 manat cərimə olunub. Barəsində seçilmiş "başqa yerə getməmək haqqında iltizam” qətimkan tədbiri hökmü çıxarılıb. Həmçinin aşkar edilmiş külli miqdarda yararsız məhsulun məhv edilməsinə qərar verilib.
Maddi sübut olan və Baş Prokurorluğun Azərbaycan Beynəlxalq Bankında olan depozit seyfində saxlanılan Rövşən İsmayılova məxsus 6582 manat, 48618 manat, 46198 dollar, 1225 avro, 95 ingilis funt-sterlinqi, 45000 İran rialı, 5 dinar, 1000 rus rublu dövlət nəfinə müsadirə edilib.
