Sumqayıtda “İcbari tibbi sığorta ilə sağlam yaşa!” şüarı altında keçirilən səyyar aksiya başa çatıb. Bu haqda bu gün, 19 iyul tarixində Sumqayıt Tibb Mərkəzinə istinadən xəbər veririk.
Hacı Zeynalabdin, Corat qəsəbələrində və “Stansiya Sumqayıt” yaşayış massivində baş tutan aksiyada 200-ə yaxın ahıl müayinə edilib. 3 gün davam edən tədbirdə terapevt, oftalmoloq, kardioloq, LOR və USM mütəxəsissləri tərəfindən 65 və yuxarı yaş olan vətəndaşlar müayinə edilib.
Yoxlanış zamanı səhhətində problem müşahidə olunan şəxslərə müvafiq tövsiyələr verilib və onlar tibbi göstərişlərə əsasən STM-in tabeliyində olan digər tibb müəssisələrinə istiqamətləndiriliblər.
