Sumqayıtda Türk Ədəbiyyatı Vəqfinin başçısı Serhat Kabaklının yubileyi qeyd olunub. Bu haqda bu gün, 20 aprel tarixində Regional Mədəniyyət İdarəsinə istinadən xəbər veririk.
Məlumata əsasən, 70 illik yubileyini keçirən görkəmli türk şairi və ictimai xadim Azərbaycanda səfərdədir. Serhat Kabaklı Regional İdarənin Fəxri fərmanı ilə təltif edilib, eyni zamanda Türk Ədəbiyyatı Vəqfinin Fəxri üzvü seçilib.
Tədbir iştirakçıları Kabaklının Türkiyə və Azərbaycan arasında mədəni-ədəbi əlaqələrin inkişafında xüsusi xidmətləri olduğunu qeyd ediblər. Onlar çıxışlarında yubilyarla bağlı öz ürək sözlərini söyləyib, ona hədiyyələr təqdim ediblər.
Görüş Heydər Əliyev Mərkəzində Sumqayıt Regional Mədəniyyət İdarəsinin dəstəyi, Əli Kərim adına Sumqayıt Poeziya Evinin təşkilatçılığı ilə keçirilib.
