Səməd Vurğun adına şəhər Mərkəzi Kitabxanasında “Şuşa İli” çərçivəsində tədbir keçirilib. Sumqayıt24 bu haqda bu gün, 14 mart tarixində AZƏRTAC-a istinadən xəbər verir.
Burada “Şuşanın dağları başı vüqarlı” adlı ədəbi-bədii gecə təşkil edilib. Tədbirdə şagirdlər Qarabağa, Şuşaya həsr olunan şeir və mahnılar ifa ediblər.
Tədbirdə Şuşa şəhərinin azad edilməsində şücaət göstərərək şəhidlik zirvəsinə yüksələn qəhrəman oğullarımızın ailə üzvləri, Vətən müharibəsi qaziləri, Cəbrayıl şəhər uşaq musiqi məktəbinin, Milli Qəhrəman Mətləb Quliyev adına 3 nömrəli, həmçinin 5 nömrəli tam orta məktəblərin müəllim və şagird kollektivləri iştirak ediblər.
