Sumqayıtda işıqfordakı vəziyyət vətəndaşlarda narahatlıq doğurub.
Sülh prospektində yerləşən "Sumqayıt Bağça Şəhər" yaşayış kompleksinin sakinləri Sumqayit24.az-a məsələ ilə bağlı şikayətlərini bildiriblər.
Şikayətçilərin sözlərinə əsasən, sözügedən yerin qarşısında bir müddət əvvəl düyməli işıqfor quraşdırılmışdı. Hazırda isə düymə yerindən çıxarılıb. Hətta sakinlər işıqforun düyməsinin çıxarılmasını hər hansı sürücünün etdiyini ehtimal edirlər.
“Bir azdan təhsil ocaqları fəaliyyətə başlayacaq, məktəbli uşaqlar bu yoldan istifadə edəcəklər. Yaşlı nəsil bu yolu keçməkdə onsuz da çətinlik çəkir. Burada dəfələrlə qəza olub və insanlar həyatlarını itiriblər. Bizim uşaqlarımız, sakinlər bu təhlükəli yolu təhlükəsiz şəkildə necə keçməlidirlər?”, - deyə sakinlərdən biri narahatlığını bildirib.
Vətəndaşlar aidiyyəti qurumlardan məsələ ilə bağlı təcili tədbir görülməsini tələb edirlər.
