Sumqayıtda hündürmərtəbəli yaşayış binasındakı vəziyyət narahatlıq doğurub.
Sumqayit24.az-a daxil olan məlumata görə, 8-ci mikrorayonda binanın təmiri yarımçıq vəziyyətdə saxlanılıb.
Görüntüdən də aydındır ki, binanın aşağı və sonuncu mərtəbələri təmir edilməyib.
“10 ildən çoxdur ki, bu binanın vəziyyəti belədir. Dəfələrlə şikayət etməyimizə baxmayaraq, heç bir şey dəyişmir. Burada 10-dan çox ailə yaşayır. Bu təhlükəli vəziyyət bizi çox narahat edir”,- deyə şikayətçilərdən biri bildirib.
Məsələ ilə bağlı aidiyyəti quruma sorğu ünvanlanıb.
Vətəndaşlar aidiyyəti qurumlardan əraziyə baxış keçirilməsini və problemin həll edilməsini tələb edirlər.
