Sumqayıt Dövlət Universitetində "Məzun günü” qeyd edilib. Sumqayıt24 bu haqda 30 iyun tarixində Sdu.edu.az-a istinadən xəbər verir.
Tədbirdə təhsil nazirinin müavini Firudin Qurbanov, icra başçısı Zakir Fərəcov, polis idarəsinin rəisi polkovnik Fəqan Azadəliyev, universitetin professor - müəllim heyəti, məzun tələbələr və onların valideynləri iştirak ediblər.
İlk öncə, elm və təhsildə, universitetin ictimai və mədəni həyatında fərqlənən məzunlara Fəxri fərman, mükafat və hədiyyələr təqdim olunub. Daha sonra isə şəhər rəhbəri Zakir Fərəcov çıxış edib. O bildirib ki, SDU-nun bir qrup məzununun şəhərdə işlə təmin olunmasına şərait yaradılacaq.
Sonda isə konsert proqramı keçirilib. Universitetin özfəaliyyət kollektivi ilə yanaşı, Əməkdar artistlər Nüşabə Ələsgərli, Səlim Abbasov, Muğam müsabiqəsinin laureatı Gülzar Fərəcova, tanınmış incəsənət xadimləri və digər gənc sənətçilər ifaları ilə məzunları təbrik ediblər.
