Heydər Əliyev Mərkəzində “Tarixi Qələbə“ adlı dəyirmi masa keçirilib. Bu barədə 5 noyabr tarixində Sumqayıt24 xəbər verir.
Zəfər Günü ilə bağlı tədbir Nəriman Nərimanov adına Mədəniyyət Mərkəzinin Şəhər Mədəniyyət evinin kollektivi və Heydər Əliyev Mərkəzi tərəfindən təşkil edilib. Birinci Qarabağ müharibəsi şəhidi leytenant Alay Mərdanlının qardaşı Natiq Mərdanlı öz çıxışında Vətən müharibəsi zamanı Təcili Tibbi Yardım briqadasında sürücü işləyərkən şəhidlərin, yaralı əsgərlərin təxliyəsində göstərdiyi köməklikdən bəhs edib.
Dəyirmi masada çıxış edənlər ordumuzun göstərdiyi qəhrəmanlıqlardan söz açıblar.
Sonda Vətən müharibəsinə həsr olunan videoçarx nümayiş olunub.
