Sumqayıtda sakinləri narahat edən tikinti işləri aparılır. Bu haqda Sumqayıt24-ə bu gün, 25 aprel tarixində məlumat daxil olub.
Belə ki, Sülh küçəsinin 1-ci mikrorayona düşən hissəsində obyekt tikilir. Həmin obyektin səkinin üzərində tikiləcəyindən narazı olan sakinlər ərazidə olan işçilərə mübahisə ediblər. Vətəndaşların sözlərinə görə, tikilinin orada yerləşməsi məhəlləyə girişi bağlayacaq.
Qeyd edək ki, əraziyə artıq metal konstruksiyalar qoyulub və orada xüsusi texnika çalışır.
