H.Z. Tağıyev qəsəbəsində top mərmisi aşkarlanıb. Sumqayıt24 bu haqda Fövqəladə Hallar Nazirliyinə istinadən xəbər verir.
Əraziyə Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu cəlb olunub. Hüquq-mühafizə orqanlarının əməkdaşları ilə birgə ərazidə müvafiq təhlükəsizlik tədbirləri görülüb. Daha sonra isə aşkar edilmiş 122 mm-lik OF-462 top mərmisi ərazidən kənarlaşdırılıb. Onun zərərsizləşdirilməsi nəzərdə tutulub.
Qeyd edək ki, ətrafda hər hansı təhlükəli və ya şübhəli digər əşya aşkar edilməyib.
