Sumqayıtda “Dahi şəxsiyyət” adlı ədəbi-bədii gecə keçirilib. Sumqayıt24 bu haqda bu gün, 9 may tarixində Regional Mədəniyyət İdarəsinə istinadən xəbər verir.
Şəhər mədəniyyət evində Heydər Əliyevin anadan olmasının 99-cu ildönümü ilə əlaqədar tədbir təşkil edilib. Tədbir iştirakçılarına ulu öndər haqda videoçarx nümayiş olunub. İştirakçılar Ümummilli liderimizin Azərbaycan xalqı üçün öz qayğısını əsirgəmədiyini vurğulayıblar.
Mədəniyyət evinin gənc müğənniləri Heydər Əliyevə həsr olunan mahnılar ifa ediblər. Sonda Heydər Əliyevin həyatı, siyasi fəaliyyəti haqqında nəşr olunan kitablardan ibarət sərgiyə baxış keçirilib.
