Sumqayıtda “Uniper” şirkətinin baş icraçı direktoru Klaus-Diterin Maubaxın başçılıq etdiyi nümayəndə heyəti ilə görüş baş tutub. Sumqayıt24 bu haqda bu gün, 29 aprel tarixində xəbər verir.
“SOCAR Azərikimya” İB-də keçən görüşdə qeyd olunub ki, şirkətimizdə həyata keçirilən layihələrdən biri olan Etilen-polietilen zavodunda Buxar Generator Kompleksinin enerji effektivliyinin və istehsal gücünün artırılması layihəsi uğurla davam etdirilir.
Layihə çərçivəsində, Buxar Generator Kompleksinin 32 Mvt/s (faktiki 13 Mvt/s) layihə gücünün 65 Mvt/s-yə çatdırılması nəzərdə tutulur. Bununla da, “Azərikimya” İB enerji tələbatını artıq öz imkanları ilə tam qarşılaya biləcək. Bundan əlavə, istehsal edilən qalan elektrik enerjisini şəbəkə vasitəsilə SOCAR-ın digər müəssisələrinə və Sumqayıt şəhərinin elektrik enerjisi istehlakçılarına ötürməyə imkan yaranacaqdır.
