Regional məsələlər komitəsinin sədri Siyavuş Novruzov Sumqayıtda vahid bələdiyyə sisteminin yaradılmasını təklif edib. Sumqayıt24 bu haqda bu gün, 5 aprel tarixində APA-ya istinadən xəbər verir.
O, bu fikirləri Milli Məclisin bu gün keçirilən iclasında səsləndirib. Onun sözlərinə görə, Türkiyədə 1397, Azərbaycanda isə 1606 bələdiyyə var: “Hələ işğaldan azad edilmiş ərazilərdə bələdiyyələr formalaşsa, 500-ə yaxın yeni bələdiyyə olacaq. Ona görə də təklif edirik ki, bu say və bələdiyyə üzvlərinin sayı azaldılsın”.
Siyavuş Novruzovun yürütdüyü təklifə əsasən, Sumqayıt və Gəncədə şəhər bələdiyyələrinin vahid bələdiyyə sistemi yaradılmalıdır: “Bələdiyyə torpaqlarının xəritəsi bir çox rayonlarda bələdiyyələrə təqdim olunmur. Buna görə də bələdiyyələr bu torpaqlardan vergi toplaya bilmir”.
