Sumqayıt şəhərində "Bir yurd vardı-Xocalı..." adlı sərgi təşkil olunub. Sumqayıt24 bu haqda bu gün, 25 fevral tarixində Regional Mədəniyyət İdarəsinə (RMİ) istinadən xəbər verir.
Sərgidə Sumqayıt Regional Mədəniyyət İdarəsinin rəisi Rəşad Əliyev çıxış edərək bildirib ki, biz Xocalı soyqırımını unutmamalıyıq. Əliyev baş vermiş hadisələr barədə tədbir iştirakçılarına məlumat verib.
Sonra məktəbin "Rəssamlıq" şöbəsinin şagirdlərinin rəsm əsərləri nümayiş olunub. Tədbir zamanı A. Rzayevin "Düşüncə", J. Villiamsın "Şindlerin siyahısı", H. Xanməmmədovun "Yenə o bağ olaydı" və "Konsert", Vangelisin "Prelüd", E. Sabitoğlunun "Bu gecə", L.V. Bethovenin "Aylı sonata" və S. Rüstəmovun "Hardasan" əsərləri səsləndirilib.
Tədbir RMİ-yə tabe olan Əhməd Bakıxanov adına uşaq incəsənət məktəbi və Sumqayıt Dövlət Rəsm qalereyasının birgə təşkilatçılığı ilə keçirilib.
