Sumqayıtda məhəllələrin birində yaşayış binasında təhlükəli vəziyyət yaranıb.
Sumqayit24.az-a müraciət edən vətəndaşın sözlərinə görə, 30-cu məhəllə, 27/7 saylı binada elektrik naqilləri üstü açıq vəziyyətdədir.
Hətta vətəndaşların məlumatına əsasən, binada bir neçə gün əvvəl yanğın baş verməsi nəticəsində elektrik naqillərinə ciddi ziyan dəyib.
"Binamızda baş vermiş yanğın nəticəsində giriş hissəsində yerləşən elektrik qutusu və ümumilikdə giriş sahəsi ciddi şəkildə zədələnib. Hazırda elektrik avadanlıqları açıq və yararsız vəziyyətdədir. Bu da bina sakinlərinin həyatı və sağlamlığı üçün ciddi təhlükə yaradır, eyni zamanda təkrar yanğın baş verməsi riskini artırır. Binanın giriş hissəsi də bərbad vəziyyətdədir və əsaslı təmirə ehtiyac var", - deyə sakin narahatlığını bildirib.
Vətəndaşlar aidiyyəti qurumlardan mövcud problemlərin aradan qaldırılmasını tələb edirlər.
