Sumqayıtda fərdi evdə yanğın olub, bir nəfər tüstüdən zəhərlənib.
Report.az-ın məlumatına görə, hadisə "Yaşıl dərə" adlanan ərazidə qeydə alınıb.
Yanğın 44 yaşlı Sahib Səfərəliyevə məxsus, ümumi sahəsi 110 kvadratmetr olan fərdi yaşayış evində olub. Hadisə zamanı ev sahibinin həyat yoldaşı, 38 yaşlı Zəfilə Səfərəliyeva tüstüdən zəhərlənib.
Zərərçəkmiş xəstəxanaya yerləşdirilib.
Qeyd edək ki, yanğın nəticəsində evin bir hissəsi yararsız hala düşüb.
Hadisənin başvermə səbəbi araşdırılır.
