Sumqayıtda beşmərtəbəli yataqxana binasında yanğın baş verib.
Sumqayit24.az xəbər verir ki, bu barədə Fövqəladə Hallar Nazirliyi (FHN) məlumat yayıb.
Hadisə ötən gün axşam saatlarında 15-ci məhəllədə qeydə alınıb. Əraziyə cəlb olunan yanğınsöndürənlərin çevik müdaxiləsi sayəsində binanın 4-cü mərtəbəsində yerləşən otaqda baş verən yanğının genişlənməsinə və digər otaqlara keçməsinə imkan verilmədən qısa müddətdə söndürülüb.
Təhlükəsizlik tədbirləri çərçivəsində 12 nəfər sakin təxliyə edilib.
Yanğın nəticəsində ümumi sahəsi 20 kv.m olan otaqda ev əşyaları 10 kv.m sahədə yanıb. 1 nəfər tüstüdən zəhərlənib.
