Sumqayıtda “Yay məktəbi” layihəsi təşkil edilib.
Sumqayit24.az xəbər verir ki, Abşeron-Xızı Regional Gənclər və İdman İdarəsi və “Sağlam Düşüncə” Gənclər Təşkilatının birgə təşkilatçılığı ilə “Gənclər Paytaxtı Sumqayıt - 2025” ili çərçivəsində Sumqayıt Gənclər Evində “Yay məktəbi” layihəsi həyata keçirilib.
Layihənin məqsədi gənclərin asudə vaxtlarının səmərəli təşkili, onların bilik və bacarıqlarının artırılması, komanda ruhunun gücləndirilməsi və sosial fəallığının inkişaf etdirilməsidir. Tədbir çərçivəsində müxtəlif mövzularda təlimlər, müzakirələr, intellektual və əyləncəli oyunlar, həmçinin gənclərin maraqlarına uyğun fərqli fəaliyyətlər təşkil olunub.
“Yay məktəbi”ndə iştirak edən gənclər yeni dostluqlar qazanmaqla yanaşı, həm də şəxsi inkişaflarına xidmət edəcək faydalı biliklər əldə ediblər.
Tədbir “Konstitusiya və Suverenlik İli”nə həsr olunmuş tədbirlər silsiləsinin bir hissəsi olaraq gerçəkləşdirilib.
