Sumqayıtda “Oxucu ilə üz-üzə” layihəsi çərçivəsində görüş keçirilib. Sumqayıt24 bu barədə 24 dekabr tarixində Sumqayıt MKS-yə istinadən xəbər verir.
S.Vurğun adına Mərkəzi Kitabxanada şair, dramaturq, AYB-nin, Azərbaycan Kinematoqrafçılar İttifaqının üzvü Əyyub Qiyasla görüş keçirilib. Tədbirdə kitabxana əməkdaşları, oxucular, müəllim və tələbə kollektivi iştirak ediblər. Şair öz həyat və yaradıcılığı haqqında oxuculara məlumat verib, onları maraqlandıran sualları cavablandırıb. Müəllifin əsərləri ətrafında maraqlı müzakirələr aparılıb. Yığıncaqda tanınmış şair Ehtiram İlham çıxış edərək müəllif haqqında öz ürək sözlərini söyləyib. Tədbirin sonunda müəllif öz kitablarını imzası ilə iştirakçılara hədiyyə edib.
