Sumqayıt şəhərində yazıçı-publisist Arif Ərşadın kitabının təqdimatı keçirilib. Bu haqda bu gün, 9 fevral tarixində Sumqayıt şəhər Mərkəzləşdirilmiş Kitabxana Sistemi məlumat yayıb.
Məlumata əsasən, təqdimat yazıçının 60 illik yubileyi ilə birgə M.Ə. Rəsulzadə adına kitabxana filialda keçirilib. Burada Arif Ərşadın “Gecikmiş etiraf” kitabı tədbir iştirakçılarına təqdim edilib.
Arif Ərşad prezident təqaüdçüsü, AYB-nin üzvü, "Qızıl qələm” mükafatçısı, yazıçı-tərcüməçidir. O, dünya ədəbiyyatından fransız yazıçısı Emil Zolyanın "Tereza Raken”, "Naturalizm” və Amerika yazıçısı Karlos Kostanedanın "Don Xuanın təlimi” romanlarını Azərbaycan dilinə tərcümə edib.
