“Sumqayıt Dəmir Beton-1” ASC ləğv edilir. Sumqayıt24 bu haqda 25 iyul tarixində Fed.az-a istinadən xəbər verir.
Şirkətin səhmdarlarının 23 avqust saat 12:00-da, İnşaatçılar küçəsi 59 ünvanında növbədənkənar ümumi yığıncağı keçiriləcək. “Sumqayıt Dəmir Beton-1” ASC-nin ləğvetmə balansının və qalıq əmlakın iştirakçılar arasında bölünməsi planını əks etdirən hesabatın təsdiq olunması müzakirə olunacaq.
Əlavə məlumatlarla (materiallarla) yığıncaq tarixindən əvvəlki üç iş günü ərzində cəmiyyətin ofisində (yuxarıda qeyd olunan ünvanda) tanış olmaq mümkündür.
Qeydiyyat 23 avqust saat 10:00-da başlayacaq. Əlaqə telefonu: (050) 299-34-16.
Səhmdarlar ümumi yığıncaqda iştirak etmək üçün şəxsiyyətlərini təsdiq edən sənədi, onların nümayəndələri isə öz şəxsiyyət vəsiqələri ilə birlikdə notarial qaydada təsdiq olunmuş etibarnaməni təqdim etməlidirlər.
