Sumqayıtda yetkinlik yaşına çatmayan şəxslərə tütün məmulatları satan köşk sahibləri cərimələnib. Bu barədə bu gün, 4 fevral tarixində Xeberle.com məlumat yayıb.
Şəhərin 14, 30, 34, 36-cı məhəllələrində, eləcə də 2, 3 və 4-cü mikrorayon ərazilərində yetkinlik yaşına çatmayan şəxslərə tütün məmulatı satması faktı polislər tərəfindən müəyyən edilib. Məmməd Mürşüdov, Asəf Yaqubzadə, Nurlan Ağarəhimov, Xalid Cəfərov, Murad Həsənli və Elgün Nemətov barəsində protokol tərtib olunub.
Bundan əvvəl, şəhərdə olan köşklərdən birinin satıcısı Nahid Pirməmmədovun şagirdə tütün məmulatı satması barədə məlumat vermişdik.
