Bakı-Quba şosesinin Sumqayıt şəhər istiqamətində qorunmayan dəmir yolu keçidində qəza baş verib. Sumqayıt24 bu barədə 21 dekabr tarixində "Azərbaycan Dəmir Yolları"na istinadən məlumat verir.
Hadisə ötən gün saat 18:40 radələrində qeydə alınıb. “Sumqayıtçay” dəmiryol stansiyası istiqamətində hərəkətdə olan qatar keçidi keçməyə cəhd edən 99-JG-815 dövlət nömrə nişanlı yük maşını ilə toqquşub. Nəticədə sonuncunun qoşqusu üzərində yerləşən avtokar avtomobil yolunun üzərinə düşüb. Qəza zamanı xəsarət alan olmayıb.
Faktla bağlı araşdırma aparılır.
