Sumqayıt şəhər 5-ci mikrorayon ərazisində məişət tullantıları üçün ayrılan konteynerlərin yerinin dəyişdirilməsi etiraza səbəb olub.
Konkret.az-a redaksiyasına müraciət edən 55, 57 və 59 saylı binaların sakinləri bildirirlər ki, uzun illər ərzində mövcud olan zibil qutuları naməlum səbəbdən ərazidən kənarlaşdırılıb və yerində yaşıllaşdırma işi aparılıb.
İddialara əsasən, konteynerlər həmin məhəllədə yaşayan və özünü şəhid bacısı kimi təqdim edən Aida Murzəyevanın təkidi ilə ərazidən götürülüb.
Sakinlər aidiyyəti qurumlara dəfələrlə müraciət etsələr də, məsələ öz həllini tapmır.
Vətəndaşlar məsələdə Sumqayıt Şəhər İcra Hakimiyyəti ilə yanaşı, Yaşıllaşdırma İdarəsinin rəisi Mübariz Süleymanovun da adını hallandırırlar.
