G
Xəbərlərimizi Google-da izləyin
Yeniliklərdən dərhal xəbərdar olun
Abunə ol
Mərkəzi imtahanla qəbul həyata keçirilən lisey və gimnaziyalara qeydiyyat prosesinə start verilir.
Sumqayit24.az xəbər verir ki, bu barədə Təhsil İnstitutu məlumat yayıb.
Bildirilib ki, mərkəzi imtahanla şagird qəbulu həyata keçirilən lisey və gimnaziyalara qeydiyyat prosesi 5 iyun saat 15:00-dan etibarən başlayır və 20 iyun tarixinə qədər davam edəcək.
Qəbul prosesi aparılan Sumqayıt üzrə təhsil müəssisələri ilə aşağıda tanış olmaq mümkündür:
- Humanitar və təbiət-riyaziyyat təmayüllü İstedad liseyi;
- N.Gəncəvi adına texniki və təbiət elmləri liseyi;
- "Təfəkkür" liseyi;
- Təbiət elmləri təmayüllü gimnaziya.
Qeydiyyat prosesi yalnız Şagirdlərin Elektron Yerdəyişmə Portalı -
sy.edu.az vasitəsilə aparılacaq. Valideyn və ya qanuni nümayəndə portal üzərindən müvafiq seçimləri edərək qeydiyyat prosesini elektron qaydada tamamlaya bilər.
Qeyd edək ki, lisey və gimnaziyalara qəbul imtahanı aşağıdakı tarixlərdə həyata keçiriləcək:
- 25 iyun 2025-ci il - 7 və 8-ci siniflərə qəbul;
- 26 iyun 2025-ci il - 6-cı siniflərə qəbul;
- 27 iyun 2025-ci il - 5-ci siniflərə qəbul.
