Avropa İttifaqı anti-Rusiya tədbirləri paketi çərçivəsində Azərbaycan, Hindistan, Çin, BƏƏ, Sinqapur və Mavrikiydən olan 18 şirkətə qarşı sanksiya tətbiq edib.
Haqqin.az-ın məlumatına görə, sanksiyalar siyahısına Azərbaycanın “Aqua Fleet Management” şirkəti də düşüb. 2024-cü ildə 100 manat nizamnamə kapitalı ilə qeydiyyata alınan şirkət Kaxaber İremadzeyə məxsusdur. Kompaniyanın ünvanı Sumqayıt şəhəri, Sülh küçəsi, bina 5, mənzil 25-dir.
“Aqua Fleet Management” neftin daşınması ilə məşğuldur. Şirkət iki tanker - "Saurri" və "Ederra", eləcə də "Temirro" yük daşıyıcısından istifadə edir. Gəmilər, açıq mənbələrdə qeyd edildiyi kimi, beynəlxalq sularda Kamerun bayrağı altında üzür.
