Zəlzələdən zərər çəkənlərə dəstək məqsədilə bu gün Sumqayıtdan Türkiyəyə növbəti humanitar yardım yola salınıb. Bu haqda 16 fevral tarixində Sumqayıt24 ŞİH-yə istinadən xəbər verir.
Sumqayıt şəhər İcra Hakimiyyəti tərəfindən hər birində 8-10 nəfərin müvəqqəti yaşaması üçün nəzərdə tutulan 4 ədəd modul tipli konteyner ev, 175 min AZN dəyərində olan humanitar yardım göndərilib.
Qarşıdakı günlərdə də 14 ədəd modul tipli konteyner evlər və 380 min manatlıq humanitar yardım yola salınacaq.
