Sumqayıt Tibb Mərkəzinin (STM) əməkdaşları “Böyrək sağlamlığı həftəsi” layihəsində iştirak ediblər.
Sumqayit24.az xəbər verir ki, ümumdünya Böyrək Gününə həsr olunmuş “Böyrək sağlamlığı həftəsi” keçirilib. Layihə çərçivəsində Qəbələ, Oğuz, Şəki, Qax, Zaqatala və Balakən rayonlarının vətəndaşları üçün tibbi xidmətlər təşkil olunub.
Qəbələ Rayon Mərkəzi Xəstəxanasında bölgə əhalisinə, o cümlədən müxtəlif sosial qruplardan olan vətəndaşlara paytaxtdan dəvət olunan uzman və ixtisaslı həkimlər tərəfindən tibbi xidmətlər göstərilib.
Tibbi müayinələrdə Sumqayıt Tibb Mərkəzinin 1 nömrəli Şəhər Xəstəxanasının uzman uroloqu Elçin Hacıyev və 3 nömrəli Ailə Sağlamlıq Mərkəzinin Pediatriya şöbəsinin müdiri Xatirə Nəcəfova da iştirak edib.
Sonda layihədə uğurla iştirak edən həkim-mütəxəssislər TƏBİB-in İcraçı direktoru Vüqar Qurbanovun adından təşəkkürnamə ilə təltif ediliblər.
