Sumqayıtda işlək küçələrdən birində piyada zolağının silinməsi narazılıq yaradıb.
Sumqayit24.az-a müraciət edən vətəndaşların sözlərinə görə, 13-cü mikrorayonda, Üzeyir Hacıbəyov küçəsi ilə Mehrab Niftəliyev küçəsinin kəsişməsində piyadalar üçün nəzərdə tutulan zolaq silinib.
"Burada əvvəllər piyada zolağı olub, lakin hazırda silinib. Neçə vaxtdır ki, zolaq yenilənmir. Piyadalar yolu keçərkən sürücülər zolağı görmədikləri üçün onlara yol vermirlər. Nəticədə ərazidə qarışıqlıq yaranır", – deyə vətəndaş narahatlığını ifadə edib.
Şikayətçilər aidiyyəti qurumlardan əraziyə baxış keçirilməsini və piyada zolağının yenilənməsini xahiş edirlər.
