Sumqayıtlı şagird bu tədris ilində mühüm nailiyyətlər qazanıb.
Sumqayit24.az xəbər verir ki, Sumqayıt Dünya Məktəbinin 2-ci sinif şagirdi Səma Əsədli dünyanın bir çox nüfuzlu riyaziyyat və məntiq olimpiadalarında uğurla iştirak edib.
O, “Future Intelligence Students Olympiad (FISO) 2024” - gümüş medal qazanıb. Səma daha bir gümüş medalı “Junior English Olympiad (JEO) 2024” olimpiadasında əldə edib. Həmçinin “Singapore & Asian Schools Math Olympiad (SASMO) 2024” və “American Mathematics Olympiad (AMO) 2024” olimpiadalarının hər birində fəxri fərmanla təltif olunub.
Məktəblimiz son “Singapore & Asian Schools Math Olympiad (SASMO) 2025” olimpiadasında qızıl medala layiq görülüb.
Qeyd edək ki, Səma 56 bal ilə Respublika üzrə ikinci olub. Oxuduğu məktəbdə artıq iki ildir ki, sinif üzrə birinciliyini və əlaçılığını qoruyub saxlayır. Son yarımil imtahanlarında bütün fənlərdən 100% nəticə göstərib.
