Sumqayıtın istirahət guşələrində ziyanverici həşəratlar peyda olub.
Sumqayit24.az-a müraciət edən sakinlər bildiriliblər ki, 9-cu mikrorayonda yerləşən Heydər Əliyev və Lüdviqshafen parklarındakı ağacları yaşıl rəngdə qurd basıb.
“Bütün ağacların üzərini tor bürüyüb. Qurdlar istirahət edən adamların başına, paltarına düşərək yapışır. Bezmişik artıq. Elementar olaraq skamyada belə otura bilmirik. Məsul quruma müraciət etmişik, lakin tədbir görülmür”, - deyə vətəndaşlar vurğulayıblar.
