Laçında gənclər və uşaqlar arasında “Qarabağda Zəfər Rəqsi” adlı rəqs festivalı və yarışı keçiriləcək.
Sumqayit24.az xəbər verir ki, Bakı Abadlıq Xidmətinin mədəni layihəsi olan tədbir Seyrangahda baş tutacaq. . İyulun 27-də təşkil olunacaq tədbirdə Sumqayıt şəhərinin rəqs kollektivi də iştirak edəcək.
Tədbirə dəvət olunan peşəkarlar öz sahələrindəki ən yaxşıları seçəcəklər.
Kollektivlərin təqdim etdiyi rəqslər, “Cəngi” Dövlət Rəqs Ansamblının baş xoreoqrafi Fərhad Əliyev, rəqqas, aktyor Xəyal Kərimbəyli, Azərbaycan Cheerleading Federasiyasınin məşqçi hakimi Ülviyyə Əlizadədən ibarət münsiflər heyəti tərəfindən 10 ballıq sistem üzrə qiymətləndiriləcək.
“Müasir İncəsənət və Rəqs Qrupları” MMC, Bakı Abadlıq Xidməti, “Yurd” rəsm qalereyası və “Dekor Qaleri Bakı”nın təşkilatçılığı ilə keçiriləcək tədbirə hər bir şəhər sakini, həmçinin həftə sonunu Laçında keçirən hər turist dəvətlidir.
