Sumqayıtın Tarixi Muzeyində “Qərbi Azərbaycan İcması” şəhər nümayəndəliyinin elmi-praktiki konfransı keçirilib. Bu haqda AZƏRTAC məlumat yayıb.
"Qərbi Azərbaycanda mədəni irsimiz: dünən və bu gün" adlı elmi-praktiki konfransda ictimaiyyət nümayəndələri, Milli Məclisin deputatları Müşfiq Məmmədli və Əziz Ələkbərli iştirak ediblər. İcmanın şəhər təmsilçisi Camilə Fəyyaz, Qaçqınlar Cəmiyyətinin sədri, muzeyin direktoru Aygün Zülfuqarlı və digərləri konfransda fikir mübadiləsi aparıblar.
Tədbirin sonunda qonaqlar “Bir elin harayı” ekspozisiyasına baxış keçirilib. Ekspozisiyada Sumqayıt şəhər 39 nömrəli orta məktəbin direktoru Baxşeyiş Ələmşahovun vaxtı ilə Zəngəzur mahalından çıxara bildiyi məişət əşyaları tədqim olunub.
