Sumqayıtda “Azərbaycan gəncliyi – Azərbaycanın gələcəyi” adlı tədbir keçirilib. Bu haqda Foto Tarixi Muzeyi məlumat yayıb.
Şəhər Tarixi Muzeyində keçirilən görüşdə sumqayıtlı gənc yazarların ədəbi mühitdə fəal iştirakından, bu istiqamətdə göstərdikləri uğurlu fəaliyyətlərindən danışılıb. Tədbirdə gənclərin ictimai həyatın bütün sahələrində təşəbbüskar kimi çıxış etdiyi, irimiqyaslı tədbirlərə qoşulduğu xüsusi vurğulanıb. Həmçinin 2 fevral – Gənclər Gününə həsr olunmuş videoçarx qonaqlara təqdim olunub.
Tədbirdə yazarlar Emin Piriyev və Elvin Məmmədli çıxış ediblər. Onlar muzeyə kitablarını hədiyyə edib, öz şeirlərini səsləndiriblər. Gənclər günü münasibətilə gənc yazarlara və fəal mədəniyyət işçilərinə Sumqayıt şəhər Gənclər və İdman Baş İdarəsinin Fəxri Fərmanları və hədiyyələr təqdim edilib.
