55 il əvvəl bu gün Sumqayıtın Tarixi Muzeyi fəaliyyətə başlayıb. Sumqayıt24 bu barədə 2 noyabr tarixində xəbər verir.
Tarixi Muzey 2 noyabr 1967-ci ildə yaradılmışdır. 9 ekspozisiya guşəsindən ibarət muzeyin ümumi sahəsi 2680 kv.m təşkil edir. Muzeyin ekspozisiyası iki zalda - böyük və kiçik zallarda tərtib olunur. Ekspozisiyaların mövzusu XVI əsrdən başlayaraq bu günümüzə qədər xronoloji ardıcıllığa əsaslanır. Muzeyin əsas fondunda 15.000 eksponat mühafizə olunur. Binanın xüsusi tərtibat verilmiş ekspozisiya, mühazirə, sərgi zalları, kütləvi tədbirlərin keçirilməsi üçün 165 yerlik akt zalı var.
Muzey Heydər Əliyev prospekti, 4-cü mikrorayon ünvanında yerləşir.
