Sumqayıtın 10-cu mikrorayonunda yaranan antisanitar vəziyyət əhalinin narazılığına səbəb olub
Sumqayit24.az-a müraciət edən vətəndaşların sözlərinə görə, ərazidə məişət tullantılarının atılması üçün zibil qutuları və ya konteynerlər quraşdırılmayıb. Nəticədə tullantılar açıq sahəyə atılır ki, bu da həm antisanitar vəziyyət yaradır, həm də ərazinin estetik görünüşünə mənfi təsir göstərir.
Vətəndaşlar problemin uzun müddətdir davam etdiyini qeyd edərək, aidiyyəti qurumlardan məsələyə müdaxilə etməyi, əraziyə zibil konteynerləri yerləşdirməyi və tullantıların vaxtında daşınmasını təmin etməyi xahiş edirlər.
