Rektorlar, universitetin siması, rəhbəri və təhsil siyasətini formalaşdıran şəxsiyyətlərdir.
Onların təhsil aldığı məktəblər, yalnız özünün deyil, təhsil sisteminin də inkişafında iz qoyan yerlərdir. Hər bir rektorun təhsil yolu, fərdi xüsusiyyətləri və liderlik bacarıqlarının formalaşmasında əhəmiyyətli rol oynayır.
Azedu.az rektorların təhsil aldığı orta məktəbləri araşdırıb. Onların arasında Sumqayıt təhsilinin yetirmələri də var.
Belə ki, Mingəçevir Dövlət Üniversitetinin (MDU) rektoru Anar Eminov 1992–1999-cu illərdə Sumqayıt şəhər Texniki və Təbiət Elmləri Liseyində təhsil alıb. İki aydır ki, Mingəçevir Dövlət Universitetinin rektoru vəzifəsində çalışır. 43 yaşı var.
Azərbaycan Texniki Universitetinin (AzTU) rektoru Vilayət Vəliyev də Sumqayıtda təhsil alıb. O, 1960-cı il martın 28-də anadan olub. 1978-ci ildə Sumqayıt şəhəri 49 saylı texniki-peşə məktəbini bitirib.
6 ildir ki, Azərbaycan Texniki Universitetinin rektoru vəzifəsinə çalışır. 65 yaşı var.
Qeyd edək ki, Sumqayıt Dövlət Universitetinin (SDU) rektoru Əminağa Sadıqov 1980-ci ildə Bakı şəhərində 1 saylı fizika-riyaziyyat təmayüllü orta məktəbi bitirib.
Dörd aydır ki, Sumqayt Dövlət Universitetinin rektoru vəzifəsində çalışır. 63 yaşı var.
