Sumqayıtın fəaliyyətini bərpa etmiş məşhur “Yuxu” rok qrupu yeni mahnı buraxır.
Söhbət “Sənin üçün…” adlı ifadan gedir. Sumqayit24.az-ın məlumatına görə, qrupun yaradıcısı, mərhum İbrahim Eminə həsr olunan, musiqisi Çingiz Eyvazova, sözləri isə Elçin Emin və Çingiz Eyvazova məxsus mahnı sentyabrın 5-də bütün rəqəmsal platformalarda yayımlanacaq.
Qeyd edək ki, qrup üzvləri bununla İbrahimin hər zaman qəlblərində yaşayacağını, unudulmayacağını göstmək istəyirlər. Həmçinin mahnının mətnində qrupun yenidən qayıdışı və bundan sonra da yeni mahnılarla səhnədə olacağından ibarət sözlər yer almaqdadır.
