Prezident sumqayıtlı aktyoru mükafatlandırıb. Sumqayıt24 bu barədə bu gün, 10 may tarixində President.az-a istinadən xəbər verir.
Məlumata əsasən, İlham Əliyev incəsənət xadimlərinə mükafatların verilməsi haqqında sərəncam imzalayıb. Mükafata layiq görülən şəxslərin arasında Sumqayıt Dövlət Dram teatrının aktyoru, Əməkdar artist Rauf Ağakişiyev də var.
O, 26 mart 1972-ci ildə Sumqayıt şəhərində anadan olub. 1992-ci ilin aprel ayından Sumqayıt teatrında çalışır. O, "Tərəqqi” medalının sahibidir.
Azərbaycan teleməkanının dublyaj sahəsinə də öz töhfəsini vermiş Ağakişiyev bir çox bədii filmlərdə və teleseriallarda müxtəlif rollar alıb.
