Sumqayıtlı iqtisadçı Kənan Aslanlı Ankara Yıldırım Beyazıt Universitetində (AYBU) müəllim kimi fəaliyyətə başlayıb. Bu haqda 6 mart tarixində Sumqayıt24 Sumqayitxeber.com-a istinadən məlumat verir.
Kənan Aslanlı ali təhsil müəssisəsində Beynəlxalq İqtisadi İnteqrasiya kafedrasında müəllim kimi çalışır.
2016-cı ildə Ankara Yıldırım Beyazıt Universitetinin Sosial Elmlər İnstitutunda (ingilis dilində) doktoranturaya başlayıb, 2022-ci ildə Rusiyanın xarici enerji siyasəti və enerji münaqişələri mövzusunda dissertasiya müdafiə edərək doktor (PhD) elmi dərəcəsini alıb.
K.Aslanlı müxtəlif analitik mərkəzlərdə və beynəlxalq təşkilatlarda enerji təhlükəsizliyi, iqtisadi siyasət və fiskal siyasət üzrə ekspert kimi çalışıb. Dünyanın müxtəlif ölkələrində yayımlanan xeyli sayda elmi məqalənin, kitabın və analitik hesabatın müəllifidir.
Dr. Kənan Aslanlı əslən Qubadlı rayonunun Əyin kəndindəndir. Sumqayıtda məcburi köçkün həyatı yaşayıb. 1993-2001-ci illərdə Sumqayıt şəhər 20 nömrəli məktəbdə təhsil alıb.
