Sumqayıtlı aparıcı Mətanət Əliverdiyeva Saray qəsəbəsində yolların işıqlandırılmamasından narahatdır.
Sumqayit24.az xəbər verir ki, o, "Xəzər axşamı" verilişində Heydər Əliyev küçəsində işıq dirəklərinin olduğunu, lakin işıqların yanmadığını bildirib:
"İki gün əvvəl Bakıdan Saray qəsəbəsi istiqamətinə gedəndə dedim ki, bir daha bu yoldan istifadə etməyəcəm. Hər an təhlükəlidir. O cür işıq dirəkləri qoyublar, amma işıq yanmır.
Maraqlandım ki, bəlkə həmin ərazi Sumqayıt Elektrik Şəbəkəsinin tabeliyindədir. Dedilər ki, həmin hissəyə Abşeron Rayon Enerji Təchizatı və Satışı İdarəsi baxır. Bu dirəklər kimin üçündür? Bir dənə də olsun işıq yanmır və hər həftə orada qəza olur, niyə axı? İşığın dirəyini qoymusunuzsa, işığı da verin də... Həmin gün orada çox bərbad bir vəziyyət yarandı. Hamı şikayət edir, siqnal verirdi. Əgər şəhərimiz gözəlləşirsə, yollarda işıqlandırma da olsun ki, qəza vəziyyəti yaranmasın".
