Sumqayıtlı cüdoçu Şəhanə Hacıyevaya Fövqəladə Hallar Nazirliyində (FHN) vəzifə verilib.
Sumqayit24.az-a daxil olan məlumata görə, bununla bağlı nazir Kəmaləddin Heydərov əmr imzalayıb.
Belə ki, Şəhanə Hacıyeva Fövqəladə Hallar Nazirliyinin Sumqayıt Regional Mərkəzinin maarifləndirmə şöbəsinin baş məsləhətçisi vəzifəsinə təyin edilib.
Qeyd edək ki, Şəhanə Hacıyeva (48 kq) 2021-ci ildə keçirilmiş Tokio Yay Paralimpiya Oyunlarında cüdo yarışında qızıl medal əldə edib.
O, Azərbaycan Prezidenti İlham Əliyevin 6 sentyabr 2021-ci il tarixli Sərəncamına əsasən XVI Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə 1-ci dərəcəli "Vətənə xidmətə görə" ordeni ilə təltif edilib.
Onu da əlavə edək ki, cüdoçu Azərbaycan Bədən Tərbiyəsi və İdman Akademiyasını və Azərbaycan Respublikasının Prezidenti yanında Dövlət İdarəçilik Akademiyasının Politologiya fakültəsini bitirib.
Cüdoçunu təbrik edir, bundan sonrakı fəaliyyətində uğurlar arzulayırıq!
